Kvüthung Dimapur yantsü shi tssoa yicho sana jithüng na benkai ete Lotha ha jüa tssota yicho. Potsow ekhüm ji Christian jiang tsükona opvü tsotso to chancheo ji tsükona, jithung eramoeden jaing na phyotasi, 1957, Novenber 29 lo woban ekhum ovungo ji khia benkatacho. Osi emong tsüngono khumphen ki jo, Naga Club ki (ehunga Naga Council lhishüp) shilo school ki teriv motsünga licho jilo na khumta rocho.
Ekhüm Ki ovüngo ji:
1962 October 21st lona benkae jo, enhünga Christian higher secondary ki jilona khümta vancho. Osi 1965 April 8th lojo Christian higher secondary school jilo na esani, Rajbari jilo lishü ki motsünga tssoe vantasi jilo na khümta rotacho.
Ekhüm Ki Enio to ji:
Ekhum ki enio to jijo, 1965 nzyu ochümi Duncan yan (enhunga Pr. Yanbemo nav ana vamo ji) jilo lishü ki tssokachi, jilona khümta rocho. Osi Pastor ovüngo ji (Rev. Tsemomo Lotha), 1968 March 01 lo Duncan ekhüm ki jilo sothe elhi tssota yicho.
Ekhum Ki ethümo ji:
Ekhum ki ethümo to shijo, enhunga eten a kitsü tssota vamo meta jilo tssocho osi 1980, November 23rd lo Rev. Tsemomo Loth ana Pastor tssoa vanathüng Opvüi montsso pia nthochetacho.
Ekhüm Ki Mezhüo to ji: